اسلام آباد۔ 02نومبر (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی موسمیاتی بدلی ڈویژن نا شونداری ڈٹ آتے کن جم وڑاٹ داوخت اسکان 32کروڑ 60 لکھ روپئی آن زیات نا فنڈ جاری کرینے۔ حکومت ڈویژن نا شونداری کاریم تے کن 81کروڑ 50 لکھ روپئی جتا کرینے۔ پلاننگ کمیشن نا جاری کروک حساب وکتاب نا رداٹ حکومت گرین پاکستان پروگرام کن 24کروڑ 20 لکھ ، اسلام آباد اٹی زوکم بوٹانیکل گارڈن نا ایب و کیب باؤنڈری وال نا جوڑ جاڑ کن 60 لکھ، گرین پاکستان پروگرام وائڈ لائف کن 4کروڑ روپئی تون اوار چندی شونداری ڈٹ آتے کن فنڈ جاری کرینے۔
