مراگش ئَ وزیر مملکت آئی ٹی انوشہ رحمن، ٹیلی نار پاکستان ئِ چیف ایگزیکٹو آفیسر عرفان وہاب، وزارت آئی ٹی، پی ٹی اے ئُُ ٹیلی نار ئِ کلانئیں کارندہ آنی بھر زوری
اسلام آباد۔ یکم نومبر (اے پی پی) مزن وزیرشاہد خاقان عباسی ئَ ٹیلی نار پاکستان ئِ نوکیں 345 کیمپس ئِ بنگیج کت۔ بنگیجی مراگش ئَ وزیر ئِ مملکت برائے انفارمیشن ٹیکنالوجی انوشہ رحمن ، ٹیلی نار پاکستان ئِ چیف ایگزیکٹو آفیسر عرفان وہاب، وزارت انفارمیشن ٹیکنالوجی، پی ٹی اے ئُُ ٹیلی نار ئِ کلانئیں کارندہ اے موہ ئِ سر ئَ ساڑی اتنت۔ مزن وزیر ئَ اے موہ ئِ سر ئَ نوکیں کیمپس ئِ تیاری ئُُ ایشی ئِ بنگیج ئِ سر ئَ مبارکی دیان ئَ گوشت کہ ٹیلی نار ئِ نوکیں کارگس ئِ برجائی کارگس ئِ بالائی ئِ نوکیں درور اِنت۔ آئی ئَ گوشت کہ مارا وشی اِنت کہ ٹیلی نار ملک ئِ اولی رِچ ئِ ٹیلی کام کمپنی ئَ ھوار کپتگ۔ ٹیلی نار ئِ ملک ئِ اندر ئَ چاگردی ئُُ اقتصادی اِزمت لائک ئِ ستا اَنت۔ مزن وزیر ئَ گوشت کہ حکومت ئَ ملکئَ ٹیلی کام انڈسٹری ئِ ھاترا آسراتی آنی پالیشی برجا داشتگ ایشی ئِ سبب ئَ اے کمپنی دیم ئَ جنزگ ئَ اَنت ئُُ ایشانی چیز ئُُ ازمت آنی نتیجگ ئَ زندمان ئِ تہئَ مٹی اتکگ۔ مزن وزیر ئَ ٹیلی نار ئِ کارگس ئَ نوکیں بلڈنگ 345ئِ بازیں بھر آنی تر ئُُ تاب کت۔ اے موہ ئَ ٹیلی نار ئِ چیف ایگزیکٹو آفیسر ئَ مزن وزیر ئَ را پاکستان ئَ ٹیلی نار ئِ آپریشنز آنی بابت ئَ بریفنگ دات۔
