نیویارک۔یکم نومبر (اے پی پی) اقوام متحدہ ٹی پاکستان نا آخبتی مندوب ڈاکٹر ملیحہ لودھی پاکستان نا کنڈآن دہشت گردی نا چٹفنگ کن پبی کوشست کپننگ نا تاثر ءِ یکسر مسترد کرسا پارینے کہ پاکستانی حکومت دہشت گردی نا لعنت ءِ ماس آن کشنگ و خسنگ نا پکا عزم اٹی ہی القاعدہ تون اوار کیہی دہشت گرد رڑتے بھس کننگا۔ امریکی آن لائن جریدہ امپیکٹ مینیا ءِ انٹرویو ٹی ڈاکٹر ملیحہ لودھی پارے کہ ننا ڈیہہ آن القاعدہ نا چٹفنگ اٹی اگرچہ ایلو ملک آک ہم کمک کریر ولے بنداوی وڑاٹ دا پاکستان نا کوشست آتا نتیجہ ءِ۔ اسہ سوج اسے نا ورندی ٹی اوپارے کہ دہشت گردی نا برخلاف جنگ اٹی پاکستان تینا سیکورٹی فورس آتا ہزار آ باسک و اوفتیان کیہی زیات شاری تا قربانی ءِ تس۔ انسانی و جہانی برادری نا بشخ مننگ نا ناطہ نن بیدادی ءِ انسانیت کن خلیس اس سرپند کینہ ولے داہم حقیقت ءِ کہ بیدادی نا واقعہ غاک مچ آ دنیا ٹی پیش بننگ ءُ ہنداخاطرآن داہیت اہم ءِ کہ جہانی برادری دہشت گردی نا برخلاف جنگ اٹی پاکستان نا قربانی، کڑد و پکا عزم انا ادراک ءِ کے۔
