دہشت گردی نا برخلاف جنگ اٹی اوغان حکومت و الس تون یکجہتی نا درشان
اسلام آباد۔ یکم نومبر (اے پی پی) پاکستان کابل نا سفارتی علاقہ ٹی خودکش جلہو نا ترندی اٹ مذمت ءِ کرسا دہشت گردی نا لعنت نا برخلاف جنگ اٹی اوغان حکومت و الس تون یکجہتی نا درشانی ءِ کرینے۔ چارشنبے نادے ترجمان دفتر خارجہ نا کنڈآن جاری بیان نار داٹ پاکستان دہشت گردی نا داکارروائی ٹی نہادی جان تا زیان آ ڈکھ انا درشانی ءِ کرسا پدسلوک آ خاہوت آتون دلی ہڑزخواہی و ٹھپی تا زوت جان جوڑی کن دعا کرینے۔ پاکستان ہروڑنا دہشت گردی نا دوٹوک مذمت نا اعادہ ءِ کرسا دہشت گردی نا لعنت نا برخلاف جنگ اٹی اوغان حکومت و الس تون یکجہتی نا درشانی ءِ کرینے۔ بیان اٹی پاننگانے کہ پاکستان دہشت گردی نا لعنت نا چٹفنگ کن ریاست آتا کنڈآن مربوط کوشست و خڑکی کمکاری آ یخین تخک۔
