اسلام آباد۔ یکم نومبر (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی صنعت و پیداوار ڈویژن نا شونداری ڈٹ آتے کن جم وڑاٹ داوخت اسکان 8 کروڑ 61لکھ روپئی آن زیات نا فنڈ جاری کرینے، حکومت داڈویژن نا شونداری کاریم تے کن 2ارب 73کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نار داٹ حکومت سوات اٹی فروٹ ڈی ہائیڈریشن یونٹ کن 40 لکھ، کوئٹہ انڈسٹریل سٹیٹ اٹی انفراسٹرکچر نا کاریم تے کن اسہ کروڑ 53لکھ، بوستان انڈسٹریل اسٹیٹ نا اڈتننگ کن 4کروڑ 23لکھ، کوئٹہ انڈسٹریل اینڈ ٹریڈنگ اسٹیٹ نا انفراسٹرکچر نا کاریم تے کن 2کروڑ 45لکھ روپئی آن زیات نا فنڈ جاری کرینے۔
