اسلام آباد۔ یکم نومبر(اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تیٹی بنجائی حکومت نا خصوصی پروگرام تے کن جم وڑاٹ داوخت اسکان 55ارب 89 کروڑ 6لکھ روپئی آن زیات نا فنڈ جاری کرینے، حکومت خصوصی پروگرام تے کن 2کھرب 35 ارب 87 کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پرائم منسٹر یوتھ و کسبکار پروگرام کن 3ارب 91کروڑ، پائیدار شونداری ہدف آتے کن 32ارب 63کروڑ، ایراکن 90 کروڑ، عارضی وڑاٹ بے اُرا مروک آ بندغ آتا بحالی کن 18 ارب 44کروڑ روپئی تون اوار چندی شونداری ڈٹ آتے کن فنڈ جاری کرینے۔
