اسلام آباد۔ 31 اکتوبر (اے پی پی) وزیر مملکت ئُُ چیئرپرسن بینظیر انکم سپورٹ پروگرام (بی آئی ایس پی) ایم این اے ماروی میمن ئَ پیرو ئَ وزارت درئی کار امور، منسٹری آف ڈویلپمنٹ اینڈ سوشل انکلوڑن، لاطینی امریکا ریجنل بیورو ئُُ کیریبین ورلڈ فوڈ پروگرام ئِ چیر دستی ئَ شاک رسپانسو سوشل پروٹیکشن ریجنل سیمینار ئَ پاکستان ئِ سروکی کت۔ سیمینار ئِ مول ئُُ مراد نیامی کٹ ئُُ کنوکیں ملک آنی جیڈھ، موہ، دگنیا ئِ بازیں بھر آنی تہ ئَ شاک رسپانس ئُُ سوشل پروٹیکشن ئِ کار رھبند، ویڑن ئُُ تجروبت آنی مٹ ئُُ بدلی کنگ ئُُ میاں اوستمانی جوزگ ئُُ بنی آدم آنی دیمروئی ئِ تہئَ بھر زوری ئِ ھاترا کرد ئَ پیلو کنگ بوتگ۔ پاکستان ایشیاء ئَ گوں سیادی دارگ ئَ ابید ایوکیں ھما ملک اِنت کہ ایشرا ایندگہ ملک آں گوں تجروبت آنی مٹ ئُُ بدلی ئِ واستہ وتی چاگردی رکھینگ ئِ پروگرام آناں شیئر کنگ ئِ واستہ سیمینار ئِ نیمگ ئَ دلگوش کنگ بوتگ اَت۔ ایندگہ شریکیں ملک آنی تہ ئَ پیرو، ایکواڈور، ہیٹی، کولمبیا، گوئٹے مالا، چلی، جمہوریہ ڈومینیکن، کیوبا ، میکسیکو، کوسٹاریکا، نائجیریا، نیمبیا ئُُ روبرکتی افریقا ھوار اتنت۔ ماروی میمن ئَ پاکستان ئِ 5.4ملین لوگ آنی کمک ئِ ھاترا بی آئی ایس پی ئِ کوشست ئُُ کامیاتی آناں سہرا کت۔ آئی ئَ گوشت کہ چاگردی رکھینگ ئِ ھاترا نیشنل پالیسی فریم ورک، شاک رسپانسو ئِ نیمگ ئَ جوانیں دلگوشی کنت اِنت۔ پی آئی ایس پی ئِ سرجمیں ملک ئَ بوھگ ئِ استی پاکستان ئَ شاک رسپانسو ئَ لیڈر ئِ بستار ئَ دنت چیا کہ ایشرا نیامی ئُُ صوبائی تک ئَ کمک کنگ ئِ ارزشت است اِنت۔
