اسلام آباد۔ 31اکتوبر (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی چندی وزارت و ڈویژن آتا شونداری ڈٹ آتے کن جم وڑاٹ داوخت اسکان 2کھرب 7 ارب88کروڑ98 لکھ روپئی آن زیات نا فنڈ جاری کرینے۔ حکومت سرکاری بشخ انا شونداری پروگرام تے کن جم وڑاٹ 10کھرب اسہ ارب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پرائم منسٹر یوتھ و کسب کار پروگرام کن 3ارب 91کروڑ، عارضی وڑاٹ بے اُرا مروک آ بندغ آتا بحالی کن 18 ارب44کروڑ، ایراکن 90 کروڑ، پائیدار شونداری ہدف آتے کن 32ارب63کروڑ، سیفران فاٹا کن 5ارب14کروڑ ، گلگت بلتستان بلاک کن 6ارب 16کروڑ، اے جے کے بلاک کن 8 ارب 22کروڑ، نیشنل ہائی وے اتھارٹی کن 69ارب90 کروڑ، واپڈا پاور سیکٹر 16ارب29 کروڑ، دیر و بجلی ڈویژن کن 8 ارب30 کروڑ، سپارکو کن اسہ ارب، سائنس و ٹیکنالوجیکل ریسرچ ڈویژن کن 30 کروڑ 45لکھ، ریونیو ڈویژن کن 13کروڑ 30لکھ، ریلویز ڈویژن کن 9 ارب20کروڑ، پورٹس اینڈ شپنگ ڈویژن کن 48کروڑ 92لکھ، ڈٹ بندی شونداری و اصلاحات ڈویژن کن 46کروڑ، پٹرولیم و قدرتی وسیلہ کن 1ارب91کروڑ، پاکستان اٹامک انرجی کمیشن کن 3ارب 5 کروڑ، ملک اٹی جان جوڑی نا آسراتی تے گچین جوڑ کننگ کن 2ارب10کروڑ، نیشنل فوڈ سیکورٹی ریسرچ ڈویژن کن 32کروڑ 27لکھ، ہائر ایجوکیشن کمیشن کن 6ارب 50 کروڑ، داخلہ ڈویژن کن اسہ ارب 57کروڑ، فنانس ڈویژن کن 57کروڑ 14لکھ، ایوی ایشن ڈویژن کن 62کروڑ 31لکھ، کیڈ ڈویژن کن 1ارب88 کروڑ، کامرس ڈویژن کن 12کروڑ، موسمیاتی بدلی ڈویژن کن 32کروڑ 60لکھ روپئی تون اوار چندی شونداری ڈٹ آتے کن فنڈ جاری کرینے۔ پلاننگ کمیشن اسہ خاص ءُ وڑوڈول اسے نا رداٹ چندی وزارت و ڈویژن آتے فنڈ جاری کننگ ءِ۔
