وزیر مملکت و چیئرپرسن بی آئی ایس پی ماروی میمن نا پیروٹی شاک رسپانسوسوشل پروٹیکشن ریجنل سیمینار اٹی شرکت
اسلام آباد۔ 31اکتوبر (اے پی پی) وزیر مملکت و چیئرپرسن بے نظیر انکم سپورٹ پروگرام (بی آئی ایس پی) ایم این اے ماروی میمن پیروٹی وزارت خارجہ امور، منسٹری آف ڈویلپمنٹ اینڈ سوشل انکلوژن ، لاطینی امریکہ ریجنل بیورو و کیریبین ورلڈ فوڈ پروگرام نا کنڈآن شاک رسپانسو سوشل پروٹیکشن ریجنل سیمینار اٹی پاکستان نا نمائندگی ءِ کرے۔ سیمینار نا مسخت متوسط کٹیا کروک آ ملک آتے مون تروک ویل ، وارخواہی، دنیا نا چندی بشخ آتون شاک رسپانسو سوشل پروٹیکشن نا وڑوڈول، ویژن و آزموندہ غاتا تبادلہ کننگ و جہانی عزم و انسانی شونداری نا مون آ دننگ اٹی بشخ ہلنگ کن کڑد ادا کروئی ئس۔ پاکستان ایشیاء تون تعلق تخوک آ ہمو اسٹ انگا ملک ئس ہرادے ایلو ملک آتون آزموندہ غاتا تبادلہ کن تینا راجی رکھ انا پروگرام ءِ شیئر کننگ کن سیمینار اٹی بٹنگ انگاسس۔ ایلو شریک ملک آتیٹی پیرو، ایکواڈور، ہیٹی ، کولمبیا ، گوئٹے مالا، چلی ، جمہوریہ ڈومینیکن ، کیوبا، میکسیکو، کوسٹاریکا، نائیجیریا ، نیمبیا و دیکی افریقہ اوار ئسر۔ ماروی میمن پاکستان نا 5.4ملین اُراتا امداد کن بی آئی ایس پی نا کوشست و سرسہبی تے پیش کرے۔ اوپارے کہ راجی رکھ اکن نیشنل پالیسی فریم ورک ، شاک رسپانسو نا کنڈآ نمان چکار ءِ مرکوز کیک۔ بی آئی ایس پی نا ملک گیر ساڑی گری اودے پاکستان اٹی شاک رسپانسو ٹی لیڈر نا حیثیت ایتک انتئے کہ اودے بنجائی و صوبائی کہول آ کمک کننگ نا لائخی دوئی ءِ۔ پاکستان اٹی سرسہب شاک رسپانسو سوشل پروٹیکشن نا وارخواہی، گنجائش و شونداری نا وسیلہ غاتے مون آ تخسا ماروی میمن پارے کہ گدرینگوک آ سال آتیٹی بی آئی ایس پی نا آپریشنل لائخی ٹی نمان گچینی بسنے۔ انتئے کہ او قومی راجی و اقتصادی رجسٹری(این ایس ای آر) جوڑ کرے ہراٹی 80درسدآن زیات آبادی نا معلومداری و جی پی ایس ہندآک ساڑی ءُ۔ اوپارے کہ بی آئی ایس پی ری سروے نا کمک اٹ تینا این ایس ای آر ءِ اپ ڈیٹ کننگ نا عمل اٹی ءِ۔ اپ ڈیٹ این ایس ای آر ءِ جی پی ایس نا رداٹ کیس لوڈ نا درستی راستی، اُراتا آبادی و معیشت نا معاملہ غاتے کن کاریم اٹ اتنگ مریک۔ ایمرجنسی رسپانس اکن نیشنل سوشل پروٹیکشن سسٹم نا تیاری و کاریم اٹ اتنگ اٹی جہانی آزموندہ غاتیا خیال آتا درشانی ءِ کرسا ماروی میمن بی آئی ایس پی نا نادراتون اواری نا اہم کڑد ءِ مون آ تخا۔
