ٹیلی کمیونیکیش ٹیکنالوجی ئِ وسیلگ ئَ پاکستان ئَ جان سلامتی، وانگ ئُُ زانگ، معشیت ئُُ کشت ئُُ کشاری ئَ ھوار بازیں شوبگ آنی تہ ئَ لس دیمروئی ئِ کار برجا اِنت۔
صدر مملکت ممنون حسین ئِ ٹیلی نار گروپ ئِ صدر ئُُ سی ای او سگوے بریکی ئَ گوں گپ ئُُ تران
اسلام آباد ۔ 30 اکتوبر (اے پی پی) صدر مملکت ممنون حسین ئَ گوشت کہ ٹیلی کمیونیکیشن ٹیکنالوجی ئِ وسیلگ ئَ پاکستان ئَ جان سلامتی، وانگ ئُُ زانگ، معشیت ئُُ کشت ئُُ کشاری ئَ ھوار بازیں شوبگ آنی تہ ئَ لس دیمروئی ئِ کار برجا انت ایشی ئِ نتیجگ ئَ ملک ئَ گیش دیمروئی بیت ئُُ معاشی برجائی پیداک بیت۔ آئی ئَ اے ھیالانی درشانی ٹیلی نار گروپ ئِ صدر ئُُ سی اے او شگوے بریکی ئَ گوں گپ ئُُ رتران کنان ئَ کت، آئی ئَ وتی ٹولہ ئِ ھمبراھیگ ئَ دو شمبے ئَ ایوان ئِ صدر ئَ آئی ئَ گوں گند ئُُ نند کت۔ اے موہ ئَ انفارمیشن ٹیکنالوجی ئِ وزیر ئِ مملکت انوشہ رحمٰن ئُُ ایندگہ ٹوھیں ٹوھیں کارندہ ھم ساڑی اتنت۔ صدر ئِ مملکت ئَ گوشت کہ ملک ئَ 3Gئُُ 4Gٹیکنالوجی ئِ پجار بوھگ ئَ پد ٹیلی کمیونیکیشن ئِ شوبگ ئَ آشوبی مٹی پیداک اَنت۔ آئی ئَ گوشت کہ ٹیلی نار ٹیلی کمیونیکشن ئِ شوبگ ئَ پٹ ئُُ پولی چست ئُُ ایر آئی دیمروئی ئِ واستہ پاکستان ئِ وانگ ئُُ زانگی ادارگ آنی کمک ئَ پٹ ئُُ پولی بُن جاھ جوڑ بیت کنت۔ صدر ئِ مملکت ممنون حسین ئَ گوشت کہ استیں حکومت ئَ سرمایہ کاری ئِ واستہ بازیں آسراتی پجار کنائینتگ ایشاں چہ ڈنی سرمایہ کار گیشاں چہ گیش نپ چست کت کن اَنت۔
