نیول چیف ئَ را اے ایوارڈ آئی ئِ دراج بُریں اِزمت ، جوانیں کرد ئُُ پرز شناسی ئِ رد ئَ دیگ بوت
اسلام آباد۔ 30 اکتوبر (اے پی پی) صدرِ مملکت ممنون حسین ئَ پاک بحریہ ئِ سروک ایڈمرل ظفر محمود عباسی ئَ را ملک ئِ دُرستاں چہ مستریں جنگی داد ”نشانِ امتیاز“ (ملٹری) دات۔ اے رد ئَ دو شمبے ئَ ایوان ئِ صدر ئَ پُُر مڈاھیں دیوان ئِ برجم دارگ بوت۔ نیول چیف ئَ را اے ایوارڈ آئی ئِ ازمت جوانیں کردئُُ پرز شُناسی ئِ درگت ئَ دیگ بوت۔ ایڈمرل ظفر محمود عباسی ئَ وتی توامیں زمہ واری آنی پیلو کنگ ئَ ابید جوانیں ازم، ٹوھیں کرد، لائک توسیپیگ ایں کزب ئُُ زمہ واری آنی درشان ئِ درگت ئَ دیگ بوت۔ آئی ئَ وتی دروری کرد ئِ سبب ئَ مُدام نوکیں جوزگ پیداک کتگ ایشی ئِ چہ پاک بحریہ ئِ دیمروئی ئَ ارزشتی ایں گوناپ گپتگ۔ ایڈمرل ظفر محمود عباسی ئَ 1981ئَ پاک بحریہ ئِ آپریشنز برانج ئَ کمیشن در جتگ۔ آئی ئَ بُنیاتی وانگ ئُُ زانگ رائل نیول کالج ”ڈارٹ متھ“ انگلینڈ ئَ ونت۔ کمیشن ئِ موہ ئَ آئی ئَ پاکستان نیول اکیڈمی ئَ چہ دادی شمشیر در جتگ۔ وتی کزبی کیریئر ئِ ساھت ئَ ایڈمرل ظفر محمود عباسی ئَ را کمانڈ اینڈ اسٹاف ئِ اُگدہ ئَ کار کنگ ئِ ٹوھیں تجروبت اَست اِنت۔
