آرمی چیف جنرل قمر جاوید باجوہ نا مجاہدفورس سینٹر اٹی یات گار شہد اء آ حاضری، پھل آتا چادر اس شاغا، فاتحہ خوانی کرے، آئی ایس پی آر

بری فوج انا سروک کور کمانڈر راولپنڈی لیفٹیننٹ جنرل ندیم رضا ءِ مجاہد فورس انا فرسٹ کرنل کمانڈنٹ نا بیج خلک
راولپنڈی۔ 30اکتوبر (اے پی پی) بری فوج انا سروک جنرل قمر جاوید باجوہ کور کمانڈر راولپنڈی لیفٹیننٹ جنرل ندیم رضا ءِ مجاہد فورس انا فرسٹ کرنل کمانڈنٹ نا بیج اس خلک۔ پاک فوج انا شعبہ تعلقات عامہ (آئی ایس پی آر) نار داٹ لیفٹیننٹ جنرل ندیم رضا ءِ کرنل کمانڈنٹ نا بیج خلنگ کن بھمبر اٹی مجاہد فورس سینٹر اٹی پروقار ءُ دود اس مس ہراٹی پاک فوج انا حاضر و ریٹائرڈ آفیسر و مجاہد فورس انا ورناتا بھلو کچ اس ساڑی ئسر۔ داکان مست مجاہد فورس انا آفیسرو ورناتے تون درستی راستی نشست اسے ٹی مجاہد فورس انا قربانی و خاص کر لین آف کنٹرول آ خذمت آتا ستاءِ کرے۔ اوپارے کہ پاک فوج مجاہد فورس انا خذمت آتے گچین جوڑ کننگ کن بھاز انگا گام گیج آتے چست کننگانے۔ آرمی چیف جنرل قمر جاوید باجوہ مجاہد فورس سینٹر اٹی یات گار شہداء آ حاضری تس ، پھل آتا چادر اس شاغا و فاتحہ خوانی کرے۔