اسلام آباد۔ 30اکتوبر (اے پی پی) قومی احتساب بیورو (نیب) انا چیئرمین جسٹس جاوید اقبال پارینے کہ بطور قائم مقام چیف جسٹس ای ’’انصاف غٹ اکن‘‘ نا اصول آ باور کریٹہ و بطور چیئرمین نیب’’احتساب غٹ اکن‘‘ کنا پکاعزم ءِ و ای نئے بیرہ دااصول آ سختی اٹ عمل کیوہ بلکن کانود نا گرج آتے مون آ تخسا صوبہ سے ٹی/بندغ اسے تون امتیازی سلوک ءِ رواتخنگپک ونیب انا کنڈآن کس اسے نا برخلاف نا انصافی مننگ کن ہلنگ پننگک۔ ای شرجیل میمن و ڈاکٹر عاصم حسین نا مقدمہ غاتا ریکارڈ ءِ بٹنگانٹ و داہیت انا جاچ ءِ ہلنگک کہ اوفتے تون امتیازی سلوک اس تو کننگ تنے۔ ہراتسکان ناقابل ضمانت وارنٹ آتا جاری کننگ ءِ او مجاز عدالت نا اختیار صوابدیدی ءِ و نیب انا داڑتون ہچ ءُ تعلق اس اف ، نیب اٹی مذکورہ دوبہ نا کانود نا گرج آتا رداٹ جانچ پڑتال کننگک، داسہ حق ، شاہدی و کانود نا بنداو آ ریفرنس مجاز عدالت آتیٹی دائر کننگک، چائے او پاکستان نا ہراکہ بشخ اسے آن متعلق مرے۔ داخیال آتا درشانی ءِ او نیب ہیڈ کوارٹر اٹی پراسیکیوشن ڈویژن نا کارکڑد ناجاچ ءِ ہلسا کرے۔
