سیکورٹی کارندہ غاتا ہنکینی آسراتی نا ڈٹ اولیتی بنداو تیا پورو کننگک
اسلام آباد۔ 30اکتوبر (اے پی پی) ڈپٹی چیئرمین پلاننگ کمیشن سرتاج عزیز پارینے کہ سیکورٹی ادارہ غاتا کارندہ غاتے ہنکینی آسراتی نا فراوانی نا چندی ڈٹ آتے اولیتی بنداو تیا پورو کننگک۔ پلاننگ کمیشن ملک اٹی فزیکل پلاننگ و ہاؤسنگ نا بابت خصوصی گام گیج کننگ ءِ۔ اوداہیت ءِ سی ڈی ڈبلیو پی نا دیوان آن تران اٹی پارے۔ سرتاج عزیز پارے کہ سنٹرل ڈویلپمنٹ ورکنگ پارٹی فزیکل پلاننگ نا 28 ارب روپئی نا ڈٹ انا منظوری ءِ تسنے ہراٹی وزارت مواصلات بلوچستان گوادر موٹروے پولیس کن ایس ایچ او دفتر نا جوڑ جاڑ، قومی ہائی وے اکن لین ہیڈ کوارٹر نا جوڑ جاڑ کن 33کروڑ 63لکھ 73ہزار روپئی نا خڑچ انا ڈٹ اس پیش کرے ہرادے منظور کننگانے۔ وزارت داخلہ دیوان اٹی خیبر ایجنسی گورگانا ، پائیندا، چینا، ڈوگرا و شلمن اٹی 4ایکس ونگ کن جاگہ نا جوڑ جاڑ کن اسہ ارب 42کروڑ، 23لکھ92ہزار روپئی نا خڑچ انا ڈٹ، ایچ ۔16ٹی ماڈل جیل انا اڈتننگ کن 7 کروڑ 35لکھ روپئی نا خڑچ انا ڈٹ پیش کرے۔ داڈٹ انا مسخت ماڈل جیل انا جوڑ جاڑ، ڈیزائن و کنسلٹنسی خذمت آتا دوئی کننگ ءِ ہرادے دیوان منظور کرے۔ دیوان اٹی قطب و سویلی بلوچستان فرنٹیئر کور اکن 9 ودکی ونگ ءِ ودفنگ و دیکی سیم انا سی اے ایف مینجمنٹ نا لائخی ءِ ودفنگ کن اِرا ڈٹ 2ارب 26کروڑ 14لکھ 91ہزار روپئی و 20 ارب 16کروڑ روپئی نا خڑچ انا پیش کرے۔ داڈٹ آتا رداٹ قطبی و سویلی فرنٹیئر کور نا ورناتے دفتری بلاکس، اُراتا بی قسم آتون اوار غٹ وڑنا بست وبندی آسراتی تتون اوار اوار ہنکین ودفتری جاگہ غاتا آسراتی فراوان کننگ ناءِ، داڈٹ آتے دیوان منظور کرینے۔ ہاؤسنگ اینڈ ورکس ڈویژن گلشن جناح ایف ۔5کالونی نا گچینی و بحالی کن 4 کروڑ48لکھ 59ہزار روپئی نا خڑچ انا ڈٹ پیش کرے ہرادے سی ڈی ڈبلیو پی نا دیوان منظور کرے۔ وزارت ہاؤسنگ اینڈ ورکس شامی روڈ پشاور اٹی فیڈرل لاج انا جوڑ جاڑ کن 6 کروڑ 25لکھ 31ہزار روپئی نا ڈٹ پیش کرے ہرانا مسخت بنجائی انتظامی آفیسر آتے کن ڈٹ انا جاگہ نا خڑک دستتیاب ڈغار آ 10کمرہ، باورچی خانہ و لاجز اٹی فائر الارم خلنگ نا جوڑجاڑ اوار ءِ ہرادے دیوان منظور کرے۔ کے اے و گلگت بلتستان ڈویژن ہنکین نا جوڑ جاڑ، گلگت، ہنزہ ، دیامیر و سکردو اٹی تربیتی بلاک جوڑ جاڑ کننگ، پین گلگت بلتستان نا پولیس کن خصوصی رکھ یونٹ نا اڈتننگ کن 2ارب 66کروڑ 80 لکھ روپئی نا خڑچ انا ڈٹ پیش کرے ہرادے دیوان منظور کرینے۔
