اسلام آباد۔ 30اکتوبر (اے پی پی) احتساب عدالت وزیر خزانہ اسحاق ڈار نا حاضری آن استثنیٰ نا درخواست ءِ مسترد کرسا اونا قابل ضمانت وارنٹ دزگیری جاری کرے و میرات ریفرنس نا سماعت ءِ پنچ شنبے اسکان ملتوی کرے۔ دوشنبے نادے احتساب عدالت نا جج محمد بشیر کیس انا سماعت ءِ کرے و اسحاق ڈار نا ضامن ءِ ہم نوٹس جاری کرے و اسحاق ڈار ءِ اِرا نومبر آ احتساب عدالت اٹ پیش مننگ نا پرمان تس۔ اسحاق ڈار نا عدالت اٹ پیش مفننگ آ اونا کنڈآن میڈیکل رپورٹ جمع کرفنگا۔ نیب پراسیکیوٹر اعتراض کرے کہ میڈیکل رپورٹ مروجہ کانود نا رداٹ جمع کرفنگتو۔ اسحاق ڈار نا وکیل خواجہ حارث پارے کہ ہراریکارڈ ءِ نن خواہسن اودے تننگ تو۔ عدالت پارے کہ میڈیکل دستاویز تھروپروپر چینل بتو۔ اوکان پد عدالت اسحاق ڈار نا قابل ضمانت وارنٹ و ضامن ءِ نوٹس جاری کرے و ریفرنس نا سماعت ءِ پنچ شنبے اسکان ملتوی کرے۔

متعلقہ مضامینمصنف کی طرف سے مزید