اسلام آباد۔ 30 اکتوبر (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی ایوی ایشن ڈویژن نا شونداری ڈٹ آتے کن جم وڑاٹ 62کروڑ 31لکھ روپئی آن زیات نا فنڈ جاری کرینے۔ حکومت داڈویژن نا شونداری کاریم تے کن 4ارب 34کروڑ روپئی آن زیات نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ اسلام آباد اٹی اے ایس ایف نا اکاموڈیشن کن 11کروڑ، مردان خیبر پختونخوا ٹی کلپانی پول آ فلڈ فارکاسٹنگ کن 5کروڑ، اسلام آباد اٹی کسانہ ڈیم انا جوڑ جاڑ کن 43کروڑ، ڈی جی خان بالی پٹ اٹی سنگل بیرک نا جوڑ جاڑ کن 21لکھ روپئی تون اوار چندی شونداری ڈٹ آتے کن فنڈ جاری کرینے۔
