اسلام آباد۔ 30اکتوبر (اے پی پی) بنجا ء نا بست و بندی علاقہ غاتیٹی سرکاری بشخ انا شونداری پروگرام (پی ایس ڈی پی) نا رداٹ چندی ڈٹ آتیا کاریم برجاءِ۔ سرکاری ذرائع نار داٹ سویلی وزیرستان اٹی چاؤ تنگی اسمال ڈیم ، مہمند ایجنسی ٹی نحقی ٹنل و اورکزئی ایجنسی ٹی زیارت آن ہلیس ڈبوری اسکان روڈ انا جوڑجاڑ نا ڈٹ آتیا کاریم برجاءِ۔ ذرائع نارداٹ دافتیان گیشتر ڈٹ آک بروک آسال جون اسکان پورو مریرہ۔ سویلی وزیرستان اٹی چاؤ تنگی اسمال ڈیم اکن جم وڑاٹ 639.08 ملین ڈالر نا زر جتا کننگانے۔ دا ڈٹ آ 47 درسد فزیکل و 37 درسد مالیاتی پیش رفت مسنے۔ مہمند ایجنسی ٹی نحقی ٹنل نا جوڑ جاڑ کن 2428.34ملین روپئی جتا کننگانے، ڈٹ بروک آ سال پورو مریک، داڈٹ آ 95درسد فزیکل و 21درسد مالیاتی پیش رفت مسنے۔ اورکزئی ایجنسی ٹی زیات آن ہلیس ڈبوری اسکان روڈ انا جوڑ جاڑ نا ڈٹ ہم بروک آ سال پورو مریک، داڈٹ اکن 1958.80 ملین روپئی جتا کننگانے، داڈٹ آ 14درسد فزیکل و 7 درسد مالیاتی پیش رفت مسنے۔ ذرائع نا رداٹ قبائلی علاقہ غاتیٹی شونداری ڈٹ آتے پورو کننگ آخصوصی چکار کننگ انگ ءِ، داڈٹ آتا پوروی آن قبائلی علاقہ غاتیٹی شونداری و شونہالی نا پوسکن ءُ دوراس بناء کیک۔
