بلوچستان اٹی کشت و کشار و لائیو اسٹاک نا ڈٹ آتیا کاریم برجاء

اسلام آباد۔ 30اکتوبر (اے پی پی) بلوچستان اٹی سرکاری بشخ انا شونداری پروگرام نا رداٹ کشت و کشار و لائیو اسٹاک نا چندی ڈٹ آتیا کاریم برجاءِ۔ سرکاری ذرائع نار داٹ خضدار اٹی ہارٹیکلچر ریسرچ انسٹی ٹیوٹ نا ڈٹ بروک آ سال اسکان پورو مننگ نا گمان ءِ، داڈٹ آ 56.52ملین خڑچ انا تخمینہ ءِ، 30 جون 2016ء اسکان داڈٹ آ 36.14ملین روپئی نا خڑچ بسنے۔ ڈٹ آ 95 درسد فزیکل و 64درسد مالیاتی پیش رفت مسنے۔ تربت اٹی لائیو اسٹاک ریسرچ انسٹی ٹیوٹ نا ڈٹ ہم بروک آ سال پورو مننگ نا گمان ءِ۔ ڈٹ آ 80 درسد فزیکل و 41 درسد مالیاتی پیش رفت مسنے و داڑآ 59.12 ملین روپئی نا خڑچ بریک۔ ذرائع پارے کہ گوادر فیز ٹو اٹی سہدار تے کن قرنطینہ بنجانا اڈتننگ نا ڈٹ 2019ء ٹی پورو مریک۔ داڈٹ آ 56.65درسد خڑچ بریک۔ ذرائع نا رداٹ داڈٹ آ 10 درسد فزیکل پیش رفت مسنے۔ باہوانی ٹی کوسٹل ایگریکلچرل ریسرچ اسٹیشن نا ڈٹ ہم بروک آ سال پورو مریک۔ داڈٹ آ 80 درسد فزیکل و 37 درسد مالیاتی پیش رفت مسنے۔ ڈٹ آ 51.74ملین روپئی خڑچ بریک۔ ذرائع نار داٹ حکومت بلوچستان اٹی کشت وکشار ولائیو اسٹاک نا بشخ ءِ اولیتی بنداو تیا شونداری تننگ نا کوشست کننگ ءِ۔