اسلام آباد۔ 29اکتوبر (اے پی پی) امریکہ ٹی پاکستان نا سفیر اعزاز احمد چوہدری پاکستان و امریکہ نا نیام اٹ تعلقداری تے پین سوگو جوڑ کننگ نا گرج آ زور شاغانے۔ یک شنبے نادے نیویارک اٹی پاک امریکہ کمیٹی آن تران کرسا اوپارے کہ پاکستان و امریکہ نا تعلقداریک لچکدار ءُ۔ اومستی پارے کہ امریکہ ٹی رہینگوک آ پاکستانی تے ملک انا مثبت تشخص بایدے تالان کروئی مرے۔ اعزاز احمد چوہدری پارے کہ گڑاس عنصر پاکستان نا بابت متضاد حق آتے پیش کننگ ءُ ولے نن دا غلط فہمی تے مر کننگ نا کوشست کننگ اُن۔
