اسلام آباد۔ 29 اکتوبر (اے پی پی) بنجائی وزیر دفاعی پیداوار نا سروکی ٹی 2باسکی ڈل یک شنبے نادے مسہ دے ئی سرکاری دورہ غا جمہوریہ چیک آ رادہ مس۔ وزارت دفاعی پیداوار نا ایڈیشنل سیکرٹری میجر جنرل طارق غفور ہم ڈل اتون اوار ءِ۔ بنجائی وزیر نا دورہ چیک پاکستان نا دفاعی پیداوار نا صنعت ءِ مون آ دننگ کن اسہ خصوصی ءُ اہمیت اس تخک۔ رانا تنویر نا دورہ گدرینگوک آ چار سال اٹی دفاعی صنعت نا شونداری کن کروک آ کوشست آتا بشخ اسے، بنجائی وزیر تینا دورہ ٹی ڈپٹی وزیر خارجہ امور مارٹن طلاپا و دفاع نا ڈپٹی وزیر ناماس کوچاکے تون اوڑدہی کیک۔ رانا تنویر حسین جمہوریہ دفاع و ایرواسپیس ٹیکنالوجی آ چیک جمہوریہ و اومنی پول کمپنی ٹریڈنگ نا ہم دورہ ءِ کیک۔
