اسلام آباد۔ 28اکتوبر (اے پی پی) وزیراعظم نا خصوصی کمکار میڈیا امور ڈاکٹر مصدق ملک پارینے کہ پاکستان مسلم لیگ (ن) نا حکومت تینا آئینی مد ءِ پورو کیک و بروک آ لس گچین کاریک 2018ہی ٹی مریرہ۔ ہفتہ نادے اسہ نجی ٹی وی چینل اسے تون ہیت وگپ کرسا اوپارے کہ سیاسی جماعت آتا مقبولیت نا اندازہ لس گچین کاری تیٹی ہی مریک۔ اوپارے کہ اسہ جمہوری نظام اسے ٹی ہرازیات وونٹ ہلیک ہمو کٹک و الس نا نمائندگی ءِ کیک و ہندا گچین ءُ کسر اسے۔ خصوصی کمکار نا پاننگ ئس کہ تنقید ہر سیاسی جماعت نا حق ءِ ولے لوز آتا کاریم اٹ اتنگ بایدے محتاط اٹ مرے۔
