اسلام آباد۔ 28اکتوبر (اے پی پی) پاکستانی ہائی کمیشن اوٹاوہ نا کنڈآن مقبوضہ کشمیر نا بابت یوم سیاہ نا وخت آ اڈہلوک آ دود اٹی کینیڈا ٹی رہینگوک آپاکستانی تتون اوار کشمیری و زند انا چندی بشخ آتیان تعلق تخوک آ بندغ آک پبی شرکت کریر۔ کینڈاغان ملوک آ کلہو نا رداٹ داوخت آ یوم سیاہ نا بابت صدر وزیراعظم نا خصوصی کلہو آتے خوانسا بنفنگا وخت اس کہ دود اٹی مظلوم و کودک کشمیری تیا کروک آ بیدادی نا ڈاکومنٹری اس ہم نشان تننگا۔ دود آن کمیونٹی لیڈرزآک تران کرسا بھارتی بیدادی نا ترندی اٹ مذمت ءِ کریرو پاریر کہ بھارت مقبوضہ کشمیر اٹی انسانی حق انا سنگین خلاف ورزی ءِ کننگ ءِ۔ دود آن ڈپٹی ہائی کمشنر محمد سلیم ہم تران کرے و کشمیری تا جہد آجوئی ءِ مون آتخا۔
