لاہور۔ 28اکتوبر (اے پی پی) بنجائی وزیر دفاعی پیداوار رانا تنویرحسین نارنگ منڈی آن مانوالہ روڈ و مانانوالہ ءِ گیس انا فراوانی نا ڈٹ آتا بناءِ کرے ، داوخت آ تران کرسا پارے کہ مستین اٹی جمہوری سوگوی معاشی شونداری نا کسر اٹی اڑاند جوڑ مس، اینو ملک اٹی جمہوری عمل نا تسلسل نا سوب صاف شونداری نظر بننگ ءِ،ہڑدے پارٹی بدلیفوک آک قومی سوچ تخپسہ ، قومی کہول آ سرکڑدہ غاتا کڑد ءِ ہرسا بایدے وونٹ تروئی مرے ، نواز شریف نا کڑد الس نا مون آملوک آ کتاب آمبار ءِ ، گدرینگوک آ چار سال اٹی ملک اٹی انتشار تالان کننگا، 126دے دھرنہ ترسا ملک ءِ جام کننگ نا کوشست کننگا۔ اوپارے کہ عمران خان 4سال اٹی 400 یوٹرن ہلک، ادارہ غاتے کرینگ ترسا ولدا بشخنداری خواہک ، نن چارسال اٹی دہ ہزار میگاواٹ بجلی سسٹم اٹی اوار کرین، فروری 2018ء اسکان 3500 میگاواٹ بجلی سرپلس سسٹم اٹ ساڑی مریک۔
