اسلام آباد۔ 27اکتوبر (اے پی پی) پاکستان پیپلزپارٹی نا راہشون سینیٹر سحرکامران پارینے کہ دنیا نا بھلا جمہوریت پاروک آ بھارت ہفت دہائی آن مقبوضہ کشمیر اٹی کشمیری تیا بیدادی نا انتہاکننگ ءِ۔ اقوام متحدہ کشمیر نا ویل ءِ کشمیری تا است خواہی تارداٹ ایسر کرفنگ اٹ بے سہب مسنے۔ جمعہ نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ اینو انسانی حق انا پرچار کروک آ ملک آتے مقبوضہ کشمیر اٹی بھارتی فورس آتا دہشت گردی نا کمک اٹ کشمیری تیا بیدادی نظر بفننگ ءِ ہراڑے ہڑدے ورنا و چناتے شہید کننگ انگ ءِ وخت اس کہ زالبول آتا عصمت دری ءِ کننگ انگ ءِ۔ اوپارے کہ بھارت دنیا نا بھلا جمہوریت پاروک آ ملک ءِ ولے اونا دوک کشمیری تا دترآتے اٹ رنگی ءُ۔ سینیٹر سحر کامران پارے کہ پاکستان و پاکستان نا الس مقبوضہ کشمیر نا الس نا سیاسی، سفارتی و اخلاقی مخ تفی ءِ برجاتخرہ۔ اوپارے کہ اقوام متحدہ ہفت دہائی آن تینا ہی منظور کروک قرارداد آتا رداٹ مقبوضہ کشمیر نا الس ءِ حق خودارادیت ترفنگ اٹی بے سہب مسنے۔
