حکومت نیشنل ایکشن پلان نارداٹ دینی مدرسہ غاتیٹی انتہاپسندانہ نظریہ غاتا چٹفنگ کن گام گیج کرینے، وزارت مذہبی امور نا ایوان بالا ٹی نوشتہی ورندی

اسلام آباد۔ 27 اکتوبر (اے پی پی) سینیٹ ءِ پاننگانے کہ حکومت نیشنل ایکشن پلان نارداٹ دینی مدرسہ غاتیٹی انتہاپسندانہ نظریہ غاتا چٹفنگ کن چندی گام گیج آتے کرینے، وزارت مذہبی امور قومی علماء مشائخ کونسل نا اڈتننگ ءِ ہم عم ل اٹ ایسونے۔ جمعہ نادے ایوان بالا ٹی وقفہ سوج آتیٹی سینیٹر میاں عتیق شیخ نا سوج انا نوشتہی ورندی ٹی وزارت مذہبی امور نا کنڈآن ایوان بالا ءِ پاننگاکہ علماء مشائخ کونسل داوخت اسکان 45سفارشات پیش کرینے وخت اس کہ نصابی کمیٹی مدرسہ غاتا نصاب آ نظرثانی کن سفارشات تسنے و داسفارش کننگانے کہ علماء خطیب و مدرسہ غاتا استاد آتے کن تربیت نا بست و بند کننگے داچرجوئی ٹی دعویٰ اکیڈمی نا نصاب آہم نظرثانی کننگ انگ ءِ، غٹ صوبہ غاتون ہم پاننگانے کہ خار آمیز لٹریچر نا چٹفنگ کن سفارشات تیار کننگ نا چرجوئی ٹی متحد علماء بورڈ اس اڈتننگے۔