کوئٹہ۔ 27 اکتوبر (اے پی پی) ہرنائی نا علاقہ ٹی گاڈی ٹی تخوک دھماکہ خیز مواد آتا ترخنگ آن اے این پی نا راہشون ایلم تون اوار تپاخت کرے۔ ڈپٹی کمشنر عبدالسلام اچکزئی پارے کہ جمعہ نادے ہرنائی نا علاقہ شاہرگ اٹی گاڈی ٹی نصب دھماکہ خیز مواد آتا ترخنگ آن اے این پی نا راہشون عبدالرزاق و اونا ایلم عبدالخالق تپاخت کریر ۔ دھماکہ غان گاڈی پورو وڑاٹ بھس مس۔ اوپارے کہ بنائی جاست وپاست آن لگک کہ دھماکہ خیز مواد گاڈی ٹی نصب کننگاسس ولے جاست وپاست جاری ءِ۔ لیویز لاش آتے کوزہ ٹی ہلسا ہسپتال آ مون تس۔ اے این پی نا راہشون عبدالرزاق و اونا ایلم عبدالخالق پشین اٹی اے این پی نا سروک اسفند یار ولی نا جلسہ ٹی شرکت کن ہنارہ کہ گاڈی ٹی مروک آ دھماکہ ٹی تپاخت کریر۔

متعلقہ مضامینمصنف کی طرف سے مزید