سیندک ڈٹ آن 1500 پاکستانی تے روزگار نا فراوانی آن بیدس بلوچستان نا ہندی و خلق آتے مفت خذمت آتا فراوانی ہم برجاءِ
پاکستان اٹی چینی زرکاری آن مریس وختی بنداوتیا شاری تے فائدہ ملک
اسلام آباد۔ 26اکتوبر (اے پی پی) وزیراعظم شاہد خاقان عباسی پارینے کہ سیندک ڈٹ آن 1500 پاکستانی تے روزگار نا فراوانی آن بیدس بلوچستان نا ہندی خلق ءِ مفت خذمت آتا فراوانی ہم برجاءِ ، پاکستان اٹی چینی زرکاری آن مریس وختی بنداو تیا شاری تے فائدہ ملک۔ اوداہیت ءِ پنچ شنبے نادے داڑے وزیراعظم آفس اٹی سیندک میٹلز لمیٹڈ و چین نا میٹرلر جیکل کارپوریشن (ایم سی سی ) نانیام اٹ سیندک اٹی خیسن و تانبہ نا لیز معاہدہ نا مد اٹی اسہ سال ودکی نا معاہدہ غا دستخط نا دود اٹی شرکت آن مست ایم سی سی نا صدر ژانگ منگ ژنگ و ایلو بڑزکو کمامدارآتون اوڑدہی ٹی ہیت وگپ کرسا پارے۔ وزیراعلیٰ بلوچستان نواب ثناء اللہ زہری، پاکستان اٹی چینی سفارت خانہ نا ناظم الامور ژاؤ لی جیان، پٹرولیم و قدرتی وسیلہ ڈویژن و بلوچستان حکومت نا سینئر آفیسر آک ہم داوخت آ ساڑی ئسر۔ وزیراعظم سیندک ڈٹ ءِ واپاری آپریشن نا کہول آ اتنگ نا چرجوئی ٹی ایم سی سی نا کڑد انا ستاءِ کرے۔ وزیراعظم پارے کہ داڈٹ آن 1500 پاکستانی تے روزگار نا فراوانی آن بیدس بلوچستان ناہندی خلق آتے مفت خذمت آتا فراوانی ہم برجاءِ۔ وزیراعظم پارے کہ پاکستان اٹی چینی زرکاری آن مریس وختی بنداو تیا شاری تے فائدہ ملک، ننا حکومت زرکارآتے کن سازگار و دوستانہ پالیسی درستی راستی کرفینے ، ملک اٹی درملکی کمپنی تے کاریم کننگ کن جوان ءُ چاگڑد اس فراوان کننگانے، ایم سی سی نا صدر گرم جوشی اٹ بخیر کننگ آ وزیراعظم نا منت واری ءِ ہرفے و پارے کہ چینی کمپنیک پاکستان اٹی رکھ ءُ چاگڑد اسے ٹی کاریم کننگ ءُ ہراڑآن ہڑتوم آ ملک آتے فائدہ رسینگ انگ ءِ۔
