شریف خاہوت عدالتی مقدمہ غاتیان سرسہب مرسا پیش تمک ، مسکوہی وزیراعظم محمد نواز شریف نا برخلاف قابل ضمانت وارنٹ دزگیری جاری کننگ است ہسونی نا سوب اسے ، نواب ثناء اللہ خان زہری

کوئٹہ۔ 26اکتوبر (اے پی پی) وزیراعلیٰ بلوچستان نواب ثناء اللہ خان زہری پارینے کہ مسکوہی وزیراعظم محمد نواز شریف نا برخلاف قابل ضمانت وارنٹ دزگیری جاری کننگ است ہسونی نا سوب اسے۔ تینا اسہ بیان اسے ٹی اوپارے کہ اُرائی نا تینا ناجوڑی نا سوب میاں محمد نواز شریف عدالت اٹ حاضری آن استثنیٰ نا حقدار ءِ اسہ مسکوہی آمر اسے عدالت آتیان استثنیٰ و پیشن ہِننگ نا موکل ملنگ کیک تو اسہ مسکوہی گچین مروک آ وزیراعظم ءِ داحق انت اکن تننگ مفک۔ وزیراعلیٰ بلوچستان نواب ثناء اللہ خان زہری پارے کہ شریف خاہوت عدالتی مقدمہ غاتیان سرسہب مرسا پیش تمک گڑتی تا باوجود کانود نا پاسداری نا خاطر شریف خاہوت وار وار عدالت آتیٹی پیش مننگ ءِ۔