اسلام آباد۔ 26اکتوبر (اے پی پی) پاکستان مسلم لیگ (ن) نا راہشون طلال چوہدری پارینے کہ غٹ خلقت آئین و کانود نا دنگ اٹی سلسا تینا کاریم ءِ کیر۔ داڑے خلقت پارٹی ءِ ہم انصاف نا پن آ جوڑ کرینو کہ کانود و آئین نا بالادستی بایدے مرے ولے داہیت ءِ تینٹ منپسہ۔ پنچ شنبے نادے میڈیا تون ہیت وگپ کرسا اوپارے کہ عمران خان داسہ زرس تینے شیف توننگ ءِ انتئے کہ داسہ پاکستان اٹی کانود و آئین چلینگک۔ اوپارے کہ او سمجھک کہ او ہر کانود آن ایڑتر ءِ و پاہک کہ اوڑآن کسس ہرفپ۔ اوپارے کہ ای دُوارہ پاوہ کہ مریم نواز ءِ رزاک اٹ و بیرہ نواز شریف ءِ اذیت تننگ کن نیب ریفرنس اٹی اوار کننگانے تانکہ مسن تے عدالت و کچہری تیٹی اتنگے و ولدا تینا او شرط آتے امنا کرفنگے ہراآئین و نئے اصول اسے ٹی ءُ ولے نواز شریف داوڑنا دباؤ ٹی بروک اُس اف۔ اوپارے کہ این اے 120 مرے یا نیب عدالت مریم نواز نا کڑد اہم مسنے۔
