سکردو۔ 25اکتوبر (اے پی پی) وزیراعظم شاہد خاقان عباسی پارینے کہ پاکستان مسلم لیگ (ن) نا حکومت خاص نعرہ یا دعویٰ تیا آخا بلکن عملی گام گیج آتیا یخین تخک، نن نئے بیرہ ڈٹ آتا بناءِ کینہ بلکن اوفتے ایسری اسکان سرکینہ، جمہوریت نا تسلسل و حکومت آتا مدت پورو مننگ آن ہی الس نا ویل آک ایسر مریرہ، گلگت بلتستان نا شونداری کن پرعزم اُن و دامسخت نا دوئی کن ہرحد اسکان کانہ۔ داخیال آتا درشانی ءِ او چارشنبے نا دے داڑے بلتستان یونیورسٹی نا بناء و گلگت ۔سکردو روڈ آ کاریم نا پیش رفت نا بابت بریفنگ نا وخت آ اسہ مچی سے آن تران کرسا کرے۔ گورنر گلگت بلتستان میر غضنفر علی، وزیراعلیٰ گلگت بلتستان حافظ حفیظ الرحمان ، بنجائی وزیر امور کشمیر و گلگت بلتستان چوہدری برجیس طاہر ، وزیر مواصلات حافظ عبدالکریم ، وزیر مملکت جنید انوار چوہدری ، گلگت بلتستان کونسل ، گلگت بلتستان کانود ساز اسمبلی نا باسک و علاقہ نا سرکڑدہ غاتا اسہ بھلو کچ اس ساڑی ئسر۔
