اسلام آباد۔ 25اکتوبر (اے پی پی) بنجائی وزیر موسمیاتی بدلی مشاہد اللہ خان پارینے کہ صنعتی ملک آک استعداد سازی نا چرجوئی ٹی شون ہلوک ملک آتا بایدے کمک ءِ کیر۔ اوداہیت ءِ سے شنبے نادے داڑے اقوام متحدہ نا ایشیاو بحرالکاہل نا بارواٹی علاقائی ڈائریکٹر ڈیچن تسرینگ تون اوڑدہی ٹی پارے ہرابنجائی وزیر موسمیاتی بدلی مشاہد اللہ خان نا داڑے اونا دفتر اٹی خیر سگالی اوڑدہی کرے ہراٹی بنجائی وزیر پارے کہ ننے دیر مروک آ گلیشیئرز آن کیہی خلیس آک مون تروک ءُ۔ دا گلیشیئرز آتا دیر مننگ نا سوب جہانی حدت ءِ۔ بنجائی وزیر ڈل ءِ پارے کہ صنعتی دنیا ءِ دا غٹ شون ہلوک ملک آتا استعداد سازی نا چرجوئی ٹی بایدے پبی کمک کروئی مرے ہراکہ صنعتی سرجز آتا بہاءِ تننگ ءُ و نن شون ہلوک ملک آتیان دارداٹ مروک آ ناانصافی نا برخلاف ہرفورم آ بایدے توار چست کین۔ ڈیچن تسرینگ پارے کہ مسکوہی امریکی صدر براک اوباما نا دور اٹی بناء کروک آ گلوبل اسیسمنٹ فیسلیٹی نا رداٹ بھاز زیات فنڈ فراوان کننگانے۔ او بنجائی وزیر موسمیاتی بدلی مشاہد اللہ خان ءِ کنیا نا دارالحکومت نیروبی ٹی دسمبر نا بناء ٹی مروک آ اقوام متحدہ نا اسمبلی نا دیوان اٹی شرکت نا سلہ خلک ہراٹی ودوک آ آلودگی آ سجفنگک ہرانا تعلق پائیدار شونداری ہدف آتون ءِ۔
