اسلام آباد۔ 25اکتوبر (اے پی پی) بنجائی وزیر نیشنل ہیلتھ سروسز ریگولیشنز اینڈ کوآرڈینیشن سائرہ افضل تارڑ پارینے کہ ساڑی آ حکومت الس ءِ جان جوڑی نا آسراتی فراوان کننگ کن پرعزم ءِ۔ تینا اسہ انٹرویو اسے ٹی اوپارے کہ ساڑی آ حکومت پاکستان ءِ پولیو آن پاک ملک اس جوڑ کننگ کن پرعزم ءِ۔ اوپارے کہ وزارت جان جوڑی داخراب انگا مرض انا برخلاف گچین گام گیج کرینے۔ پولیو نا چٹفنگ اسہ قومی ءُ ویل اسے ہراڑکن بنجائی و صوبائی حکومت آک اواری اٹ کاریم کننگ ءُ۔ اوپارے کہ اِراوڑنا وائرس ءِ چٹفنگانے ولے اسٹ اس داسکان ہم سلوک ءِ ہرانا چٹفنگ کن گام گیج کننگ انگ ءِ۔ وزیر جان جوڑی پارے کہ جہانی ادارہ ملک آن پولیو نا چٹفنگ کن مالی امداد فراوان کننگ ءِ۔ سائرہ افضل تارڑ پارے کہ پولیو نا چٹفنگ کن نن غٹ اواری اٹ بایدے کاریم کین۔
