قراقرم یونیورسٹی نا سکردو کیمپس ءِ بلتستان یونیورسٹی نا درجہ تننگانے، یونیورسٹی ٹی 2ہزار طالب علم ءِ بڑزکو تعلیم نا آسراتی دوئی مریک، یونیورسٹی ٹی ہندی وسیلہ غاتیان فائدہ ہرفنگ کن خصوصی ءُ بشخ اڈتننگک ہرافتے ٹی آبی وسیلہ و سیل و سوات نا بشخ اوار ءُ، یونیورسٹی نا اڈتننگ کن وزیراعظم پرمان نامہ جاری کرے
سکردو۔ 25اکتوبر (اے پی پی) وزیراعظم شاہد خاقان عباسی بلتستان یونیورسٹی نا بناءِ کرے۔ قراقرم یونیورسٹی نا سکردو کیمپس ءِ بلتستان یونیورسٹی نا درجہ تننگانے، یونیورسٹی ٹی 2ہزار طالب علم ءِ بڑزکو تعلیم نا آسراتی دوئی مریک، یونیورسٹی ٹی ہندی وسیلہ غاتیان فائدہ ہرفنگ کن خصوصی بشخ اڈ تننگک ہرافتے ٹی آبی وسیلہ و سیل و سوات نا بشخ آک اوار ءُ۔ یونیورسٹی نا اڈتننگ کن وزیراعظم پرمان نامہ جاری کرے۔ ہائیر ایجوکیشن کمیشن نا ایگزیکٹو ڈائریکٹر داوخت آ وزیراعظم ءِ یونیورسٹی نا بارواٹی بریفنگ تس۔ بریفنگ اٹی پاننگاکہ یونیورسٹی ٹی فیکلٹی ڈویلپمنٹ آ ہم خصوصی چکار کننگک و دا یونیورسٹی نا اڈتننگ آن ورناک خاص کر زالبول کن بڑزکو تعلیم نا وارخواہیک ودرہ۔ گلگت بلتستان حکومت یونیورسٹی کن 15سد کنال ڈغار الاٹ کرینے و یونیورسٹی نا جوڑ جاڑ آ اسہ ارب 77 کروڑ روپئی خڑچ بریک۔ بریفنگ اٹی پاننگاکہ ایچ ای سی گلگت بلتستان اٹی اسہ ارب 75کروڑ روپئی آن 8 ڈٹ آتیا کاریم کننگ ءِ ، داہشت ڈٹ آتے کن اسہ ارب پانزدہ کروڑ روپئی نا فنڈ جاری کننگانے۔ بریفنگ اٹی داہم پاننگانے کہ گلگت بلتستان نا غٹ 10 ضلع غاتیٹی یونیورسٹی یا ذیلی کیمپس قائم مریک، چلاس و غذر اٹی مارچ 2018ء ٹی قراقرم یونیورسٹی نا ذیلی کیمپس اس قائم مریک وخت اس کہ قراقرم یونیورسٹی نا کنڈآن میڈیکل کالج اس ہم اڈ تننگک۔
