اسلام آباد۔ 24اکتوبر (اے پی پی) وزیراعظم شاہد خاقان عباسی پارینے کہ ساڑی حکومت ملک انا ودوک آ توانائی نا گرج آتے پورو کرسا کاریم نا کچ اٹی ودکی نا اہم پروگرام آ عمل کننگ ءِ، ٹرانسمیشن چیلنج آتا مون ءِ توننگ کن گریڈ اسٹیشن تا خڑک چنکو ڈٹ وضع کننگ انگ ءِ۔ اوداہیت ءِ بجلی نا پیداوار نا صنعت اٹی پنی جہانی کمپنی ’’انسالدوانرجیہ‘‘ نا چیئرمین گیوسیپی زمپنی تون ہیت وگپ کرسا پارے ہرا سے شنبے نا دے داڑے وزیراعظم تون اوڑدہی کریر۔ گیوسیپی زمپینی پاکستان اٹی تیل و گیس انا پٹنگ و آبی وسیلہ مینجمنٹ نا بشخ آتیٹی تینا کمپنی نا سرجزآتے ودفنگ اٹی بھاز است خواہی ظاہر کرے۔ اووزیراعظم ءِ پارے کہ اونا کمپنی ہرانا سرجزآک مچ آ دنیا ٹی تالان ءُ ، بجلی نا چنکا ڈٹ خاص کر کم بی ٹی یو گیس آ مبنی ڈٹ آتا اڈتننگ کن اسہ اولیتی مارکیٹ اسے نا وڑاٹ پاکستان نا بارواٹی سرگرمی اٹ سجفنگ ءِ۔ کمپنی نا پاکستان اٹی مریس واپاری ساڑی گری خننگک وخت اس کہ پاکستان نا توانائی نا بشخ اٹی پیش کروک وارخواہیک بے کچ زیات ءُ۔ وزیراعظم انسالد اونر جیہ نا ستاءِ کرسا پارے کہ توانائی نا ودوک آ گرج آتے پورو کننگ کن پاکستان نا حکومت کاریم نا کچ ءِ ودفنگ نا اسہ بھلو ڈٹ اسے آ عمل کننگ ءِ۔ گریڈ اسٹیشن آتا خڑک چنکو ڈٹ آتیا سجفنگ انگ ءِ تانکہ ٹرانسمیشن چیلنج آتا مون ءِ توننگ مرے۔ حکومت فرنس آئل آ مبنی کم کچ پلانٹ آتے ہڑزآن ایندھن آ مبنی بڑزکو کچ انا پلانٹ آتے اٹ بدل کننگ آہم سجفنگ ءِ ہراڑآن انسالدوانر جیہ کون آ کمپنی تے کن پوسکن آ ڈٹ آتیٹی بھلو وارخواہی اس ودی مریک۔ چیئرمین گیوسیپی زمپینی وزیراعظم نا کنڈآن نشاندہی کروک شریداری نا بشخ آتیٹی است خواہی ظاہر کرے و پارے کہ اونا کمپنی است خواہی نا حامل پارٹنر آتون خڑکی رابطہ و سلابت کیک۔
