اسلام آباد۔ 24اکتوبر (اے پی پی) جماعت اسلامی نا امیر سینیٹر سراج الحق پارینے کہ عالم اسلام نا غٹ آن بھلا ویل بے اتفاقی ءِ ، سعودی عرب و ایران نا نیام اٹ تناؤ ءِ چٹفنگ نا گرج ءِ، پاکستان امریکی وزیر خارجہ نا مون آ تینا موقف ءِ صاف بیان کے۔ سے شنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ غٹ مسلم ملک آک یکجا مریر تو عالم اسلام ءِ مون تروک ویل آک چٹرہ۔ اوپارے کہ داوخت سعودی عرب و ایران نا نیام اٹ تناؤ ءِ چٹفنگ نا سخت گرج ءِ، مسلم امہ دابابت تینا کڑد ءِ ادا کے۔ سینیٹر سراج الحق پارے کہ امریکی وزیر خارجہ نا دورہ پاکستان نا وخت آپاکستان تینا ٹھوس موقف ءِ مون آ تخے۔ اسہ سوج اسے نا ورندی ٹی اوپارے کہ نیب نا بابت اسہ ہی موقف اس تخنہ کہ غٹ اتون اسہ وڑ سلوک کننگے۔
