اسلام آباد۔ 24 اکتوبر (اے پی پی) صدر مملکت ممنون حسین ئَ اقوام متحدہ ئِ منشور ئَ ھواریں رھبند ئُُ مول ئُُ مراد آنی پد ئُُ رند گرگ ئِ ھاترا پاکستان ئِ جزم ئِ درشان کت ئُُ گوشت کہ پاکستان ئَ اے رھبند ئُُ مول ئُُ مراد آنی تچکیں رنگ ئِ پیش دارگ ئِ سک باز جھد ئُُ کرد پیلو کتگ۔ اقوام ئِ متحدہ ئِ امن مشنز آنی تہ ئَ جوانیں اِزمت ایشی ئِ راستی ئِ چھرگ اَنت۔ سلامتی کونسل کشمیر ئِ جیڈھ ئِ گیواری ئِ ھاترا وتی منوگری آنی سر ئَ بہ بیت ایشرا دل یکیمی بہ کنت۔ اقوام ئِ متحدہ ئِ برجائی ئِ 72سال ئِ سرجم بوھگ ئِ رد ئَ صدر ئِ مملکت ئَ گوشت کہ اقوام ئِ متحدہ ئِ برجائی ئَ پد پاکستان ئَ یک لکھ 72ھزار ”ایمنی ئِ دستہ“ آں جنگ آنی تہ ئَ آماچیں دگنیا ئِ بازیں بھر آنی تہ ئَ سلامتی ئُُ برجائی تالان کنگ ئَ کمک پُجارینتگ۔ پاکستان اقوام ئِ متحدہ ئِ بیرک ئِ سروکی ئَ کربانی دیوکیں 154بامردیں اُردی ورنا آناں سلام ئُُ ستا پیش کنت۔ صدر ئِ ممنون حسین ئَ گوشت کہ گر ئُُ چیل آنی ایمنی ئَ گیواری ئُُ بنی آدم آنی ھک ئِ شرپ ئَ ھوار وت واجئی اقوام ئِ متحدہ ئِ چارٹر ئِ بن رھبند آںی تہ ئَ ھوار اَنت۔
