اسلام آباد۔ 24 اکتوبر (اے پی پی) مزن وزیر شاہد خاقان عباسی ئَ گوشت کہ پاکستان بُرز ئُُ بالا بوھوکیں میری ٹائم چیلنج آں گوں گوں گر ئُُ چیل بوھگ ئَ شر سوگﺅ ئُُ سرپد اِنت ئُُ زرّ ئَ گہتریں نظام برجا دارگ ئِ ھاترا دل یکیم اِنت وھدیکہ آ میاں اوستمانی کُل کچگ ، زرّ جیڈھ آنی واستہ کمک ئِ واستہ مُدام تیار بوتگ۔ آئی ئَ اے گپ سئے شمبے ئِ روچ ئَ ھیڈز آگ ایشین کوسٹ گارڈ ایجنسیز میٹنگ ئِ سیزدھمی دیوان ئِ بنگیجی دوان ئَ گشتانک دیان ئَ کت۔ مزن وزیر ئَ گوشت کہ زرّیی معیشت ئِ تہئَ یک شل ئَ گیشی بوھگ ئَ اِنت ئُُ میری ٹائم آسراتی آنی رکھنیگ ئُُ سلامتی ئُُ زرّّی رسانک ئِ پڑ ئَ سک باز ارزشت دار آں۔ آئی ئَ گوشزت کہ ملک ئِ ایوکیں میری ٹائم لا ئِ انفورسمنٹ ایجنسی ئِ بستار ئَ پاکستان میری ٹائم سیکورٹی ایجنسی ئِ بستار ئَ سک باز ارزشتی انت ئُُ ایشرا پاکستان ئِ زرّی دمگ آں میاں اوستمانی کانود ئُُ منوگری آنی برجاھی گون اِنت۔ آئی ئَ گوشت کہ حکومت ئَ پاکستان میری ٹائم سیکورٹی ایجنسی ئَ کوسٹل بیسز آنی سر ئَ سرجمی ئَ جوانیں رنگ ئَ بالیگ آنی گوما گہتریں آسراتی آں گوں سمبھئینتگ۔ آئیئَ گوشت کہ حکو مت لہڈ بوھوکیں میری ٹائم چیلنج آں چہ سر سرپد اِنت اے رد ئَ رپک آنی پڑ ئَ گیشی ئِ واستہ آسراتی آنی مُپت ئَ دیگ ئِ ضلورت اِنت۔
