اسلام آباد۔ 24 اکتوبر (اے پی پی) مزن وزیر شاہد خاقان عباسی ئَ گوشت کہ استیں حکومت ملک ئِ ودوکیں ھاٹیگ ئِ ضلورت ئَ را سرجم کنان ئَ ایشی ئِ رپک ئِ گیشی ئِ سر ئَ کار کنگ ئَ اِنت، ٹرانسمیشن چیلنجز ئِ سر ئَ گر ئُُ دار ئِ ھاترا گرڈ سٹیشنوں ئِ نزیک ئَ کسانیں منصوبگ جوڑ کنگ بوھگ ئَ انت۔ آئی ئَ اے گپ توان ئِ پیداک بوھگ ئِ صنعت ئَ نامداریں میاں اوستمانی کمپنی ”انسالدوانرجیہ“ ئِ چیئرمین چیئرمین گیوسیپی زمپینی ئَ گوں گپ ئُُ تران کنان ئَ گوشت اَنت، آئی ئَ سئے شمبے ئِ روچ ئَ اِدا مزن وزیر ئَ گوں گند ئُُ نند کت۔ گیوسیپی زمپینی ئَ پاکستان ئَ ٹیل ئُُ گیس ئِ پٹ ئُُ پول ئُُ آپی آسراتی آنی مینجمنٹ ئِ شوبگ آنی تہ ئَ وتی کمپنی ئِ چست ئُُ ایرا آنا گیش دیمروئی دیگ ئِ سر ئَ واھشت ئِ درشان کت۔ آئی ئَ مزن وزیر ئَ را گوشت کہ آئی ئِ کمپنی ئِ چست ئُُ ایر سرجمیں دُگنیا ئَ شنگ ئُُ تالان اَنت۔ توان ئِ کسانیں منصوبگ ھاسیں رنگ ئَ کمو بی ٹی یو گیس ئِ منصوبگ آنی برجائی ئِ ھاترا دیم ئَ تیلانکی رنگ ئَ مارکیٹ ئِ بستار ئَ پاکستان ئِ بابت ئَ چست ئُُ ایر آنی سر ئَ چار ئُُ بچار کنگ ئَ اِنت۔ کمپنی ئَ پاکستان ئَ دراج بُریں تجارتی استی ئِ گندگ بیت وھدیکہ پاکستان ئَ ھاٹیگ ئِ شوبگ پیش کتگیں موہ گیش شائیگان اَنت۔
