کوئٹہ، منیر احمد روڈ آ سم کاری، اسہ بندغ اس تپاخت، دوبہ دار آک نرار

کوئٹہ۔ 23اکتوبر (اے پی پی) کوئٹہ نا علاقہ سریاب روڈ انا خڑک منیر احمد جان روڈ آ نادرست بندغ آتا سم کاری آن اسہ بندغ اس تپاخت کرے۔ پولیس نا رداٹ دوشنبے نادے کوئٹہ نا علاقہ سریاب روڈ انا خڑک منیر احمد جان روڈ آ نادرست بندغ آک سم کاری کریر ہراٹی نصیر احمد پنی ءُ بندغ اس موقع غا تپاخت کرے ، پولیس لاش ءِ کوزہ ٹی ہلسا اودے سول ہسپتال آ مون تسر ہراڑے المی کارروائی آن پد لاش ءِ اوفتا وارث آتا حوالہ کریر۔ پولیس علاقہ نا ناکہ بندی ءِ کرسا دوبہ دار آتا پٹنگ نا بناءِ کرینے۔