اسلام آباد۔ 23اکتوبر (اے پی پی) محکمہ موسمیات پارینے کہ بروک آ 24گھنٹہ ٹی اسلام آباد، راولپنڈی، چکوال، سرگودھا، گوجرانوالہ، مالاکنڈ ڈویژن ، بڑزکو فاٹا، کشمیر و گلگت بلتستان اٹی گڑاس ہند آتیا ہورہ و گروک تون پِر وخت اس کہ ملک انا گیشتر میدانی علاقہ غاتیٹی موسم باسن و پِرکپننگ نا گمان ءِ۔ محکمہ نا کنڈآن جاری رپورٹ نار داٹ گدرینگوک آ 24گھنٹہ ٹی اسلام آباد، راولپنڈی، مری، گلیات و کشمیر اٹی گڑاس ہند آتیا ترند تہو، ہورہ و گروک تون پِرآن موسم یخ مس ولے ایلو علاقہ غاتیٹی موسم باسن و پِر کتو۔ غٹ آن زیات پِر مری ٹی 10ملی میٹر ، کاکول اٹی 2، راولپنڈی ، کوٹلی و راولاکوٹ اٹی 1ملی میٹر ریکارڈ کننگا۔ غٹ آن زیات درجہ حرارت شہید بے نظیر آباد و مٹھی ٹی 40 ڈگری سینٹی گریڈ ریکارڈ کننگا۔
