اسلام آباد۔ 23اکتوبر (اے پی پی) الیکشن کمیشن پی ٹی آئی نا باسک صوبائی اسمبلی ضیاء اللہ آفریدی ءِ ڈی سیٹ کننگ نا بابت ریفرنس نا سماعت اودے ورندی جمع کرفنگ نا آخیریکو موقع ترسا 30 اکتوبر اسکان ملتوی کرے۔ دوشنبے نادے الیکشن کمیشن اٹی ضیاء اللہ آفریدی پیش پیش مس و موقف اختیار کرے کہ کنا وکیل سپریم کورٹ لاہور رجسٹری ٹی اختہ ءِ ہنداخاطران اودے ورندی جمع کرفنگ کن موقع تننگے۔ الیکشن کمیشن نا باسک خیبر پختونخوا ارشاد قیصر پارے کہ داہم کورٹ ءِ، ننے ریفرنس ءِ بروخت چٹفوئی ءِ، اگہ نی ورندی جمع کرفپیسہ تو انت نے بِننگ آن بیدس فیصلہ ءِ بنفن۔ اوکان پد الیکشن کمیشن ضیاء اللہ آفریدی ءِ ورندی جمع کرفنگ نا آخیریکو موقع ءِ ترسا سماعت ءِ 30اکتوبر اسکان ملتوی کرے۔
