تحریک انصاف ملک اٹی شدت پسندی و افراتفری نا سیاست ءِ مون آ درینے، طارق فضل چوہدری

اسلام آباد۔ 22اکتوبر (اے پی پی) وزیرمملکت کیڈ ڈاکٹر طارق فضل چوہدری پارینے کہ پاکستان تحریک انصاف ملک اٹی شدت پسندی و افراتفری نا سیاست ءِ مون آ درینے۔ یک شنبے نادے اسہ نجی ٹی وی چینل اسے تون ہیت و گپ کرسا اوپارے کہ پی ٹی آئی نا سروک عمران خان ڈی چوک آ دھرناٹی جمہوری نظام ءِ چٹفنگ کن اسہ سازش اسے نا ڈٹ بندی ءِ کرے ولے او داوڑکننگ اٹی بے سہب مس۔ اوپارے کہ پاکستان مسلم لیگ (ن) ملک انا پنی انگا جماعت ءِ ہرا غٹ سیاسی جماعت آتا شرف ءِ کیک۔ وزیر مملکت نا پاننگ ئس کہ پاکستان تحریک انصاف نا دھرناغاتیٹی پاکستان پیپلزپارٹی جمہوری تون تفے۔ اوپارے کہ ساڑی حکومت قومی ادارہ غاتون جنگ و جھیڑہ نا پالیسی ءِ اختیار کتو۔