اسلام آباد۔ 22اکتوبر (اے پی پی) وزیر داخلہ احسن اقبال پارینے کہ حکومت نا جامع پالیسی تا سوب ملک ترند رفتار شونداری نا کسر آ روان ءِ و ہمودے مُر اف ہراتم پاکستان شون ہلوک قوم تا صف اٹ سلک۔ ریڈیو پاکستان تون یک شنبے نادے ہیت وگپ کرسا پارے کہ ساڑی حکومت پوسکن ءُ پاکستان اس جوڑ کننگ کن چندی میگاشونداری ڈٹ بناء کرے و چندی تے پورو کرفے۔ اوپارے کہ جمہوری نظام نا برخلاف سازش کروک آ عنصر آتے بے سہبی مریک۔
