ایبٹ آباد۔ 22اکتوبر (اے پی پی) جماعت اسلامی نا بنجائی امیر سینیٹر سراج الحق پارینے کہ اونا جماعت قوم انا یکجا مننگ نا خواہندارءِ و دینی جماعت آتا سیوت ہندا چرجوئی نا اسہ کڑی اسے۔ ہراکہ جماعت مرے اوڑتون سیوت نا فیصلہ قومی اولیت آتے مون آ تخسا کننگک۔ غٹ سیاسی واک آتے کن جماعت اسلامی نا درگہ ملوک ءِ ۔ او قلندر آباد جامع مسجد نا خطیب مولانا محمد ہارون نا کزیت آ فاتحہ خوانی آن پد صحافی تتون ہیت وگپ کریکہ۔ سراج الحق پارے کہ ملک اٹی دیکی کلچر ءِ مون آ دننگ انگ ءِ و دینی جماعت آک اواری اٹ اونا کسر ءِ توننگ کیرہ۔ اوپارے کہ مولانافضل الرحمان نا کنڈآن دینی جماعت آتے یکجا کننگ نا کوشست اتون تفنہ۔ دینی جماعت آتا سیوت کن مذاکرات نا بروک آ دور 9 نومبر آ منصورہ ٹی مریک۔
