اسلام آباد۔ 22اکتوبر (اے پی پی) مسکوہی بنجائی وزیر و سفارت کار عابدہ حسین پارینے کہ شش مسلمان ملک آتا ساڑی گری نا سوب شون ہلوک ملک آتا تنظیم ڈی ایٹ اہمیت تخوک ءُ تنظیم اسے۔ تدوک آدے اسہ ریڈیو پروگرام اسے ٹی خیال آتا درشانی ءِ کرسا اوپارے کہ پاکستان غٹ علاقائی ملک آتون پرامن بقائے تین پہ تینی آ باور کروک ءُ ملک اسے۔ اوپارے کہ گدرینگوک آ منہ سال اٹی پاکستان روس اتون خوشگوار تعلقداری تا اڈتننگ کن ٹھوس کوشست کرینے۔ اسہ سوج اسے آ اوپارے کہ شش مسلمان ملک آتا ساڑی گری نا سوب آن شون ہلوک ملک آتا تنظیم ڈی ایٹ اہمیت تخوک ءُ تنظیم اسے ، دارڑنا اڈتننگ نا بنداوی مسخت چندی بشخ خاص کر کشت وکشار نا بشخ آتیٹی کمکاری و گچینی اتنگ کن گام گیج آتے المی جوڑ کروئی ءِ۔
