اسلام آباد ۔ 21اکتوبر (اے پی پی) دفترخارجہ نا ترجمان نئی دہلی ٹی پاکستانی ہائی کمشنر سہیل محمود نا بھارتی وزیر خارجہ سشما سوراج تون اوڑدہی نا بارواٹ قیاس آرائی تیا مبنی بھارتی میڈیا رپورٹ آ تران کرسا پارے کہ سہیل محمود ساڑی ہی ٹی بھارت اٹی پاکستانی ہائی کمشنر نا عہدہ نا زمواری ءِ سنبھالاسس و ہندی شخصیت آتون خیر سگالی اوڑدہی پوسکن تعینات سفارت کار آتے کن معمول نا بشخ اسے۔ ترجمان نا پاننگ ءِ کہ پاکستانی ہائی کمشنر سہیل محمود ہند ا تُو 17اکتوبر آ بھارتی وزیر خارجہ سشما سوراج تون اوڑدہی کریسس۔ اوڑدہی خوشگوار و سازگار چاگڑد اٹی مس۔ بھارتی وزیر خارجہ و ہائی کمشنر ہیت وگپ اٹی پاک بھارت ساڑی آ تعلقداری تیا سرجم خیال آتا درشانی ءِ کریر۔ ترجمان پارے کہ اوڑدہی ٹی ہڑتوم آ کنڈآتا تعلقداری تا چندی پلو آتیا سجفنگا، ولے ہچ ءُ خاص ءُ کیس اسے شر ہ ٹی اتنگتو، دا چرجوئی ٹی بھارتی میڈیا نا رپورٹ قیاس آرائی آ مبنی ءِ۔
