ہڑتوم آ ملک آتا نیام اٹ توانائی نا بشخ اٹی تعلقداری تے پین ودفنگ کن گام گیج آتیا خیال آتا درشان
استنبول۔ 21اکتوبر (اے پی پی) وزیراعظم شاہد خاقان عباسی ترکی نا وزیر توانائی و قومی وسیلہ بیرت البیراک ہفتہ نادے داڑے اوڑدہی کرے۔ ہراٹی پاکستان و ترکی نا نیام اٹ توانائی نا بشخ اٹی تعلقداری تے پین مون آ دننگ کن گام گیج آتیا خیال آتا درشانی ءِ کننگا۔ 9می ڈی ایٹ سروک دیوان نا وخت آ اوڑدہی ٹی ہڑتوم آ راہشونک توانائی نا بشخ ءِ مون تروک ویل و دابشخ اٹی ہڑتوم آ ملک آتا نیام اٹ کمکاری ءِ پین ودفنگ کن گام گیج آتیا ہم خیال آتا درشانی ءِ کریر۔ وزیراعظم پارے کہ پاکستان ترکی نا کنڈآن توانائی نا بشخ ءِ متنوع جوڑ کننگ نا آزموندہ غان فائدہ ہرفینے۔ پاکستان تینا انرجی مکس ءِ گچین جوڑ کننگ کن خصوصی چکار کرینے۔
