اسلام آباد۔ 20اکتوبر (اے پی پی) تونسہ شریف انڈس ہائی وے آ بس و تیل انا ٹینکی اسے نا ڈوک لگنگ آن 3بندغ موقع غا تپاخت و 20 ٹھپی مسر۔ نجی ٹی وی نا رداٹ گلگت آن کراچی آ ہنوک آ کوچ تونسہ شریف نا کیبی علاقہ بستی بوہر نا خڑک انڈس ہائی وے آ تیل انا ٹینکی اسے تون ڈوک لگا ہراٹی 3مسافر موقع غاتپاخت کریر وخت اس کہ 20بندغ ٹھپی مسر۔ پولیس نا رداٹ تپاخت کروک آتا لاش و ٹھپی تے ڈسٹرکٹ ہسپتال تونسہ شریف آ گدریفنگانے۔ تپاخت کروک آتیان خالدہ و رحیم خان نا پن تا درستی راستی مسنے وخت اس کہ مسٹ میکو لاش نا داسکان درستی راستی مننگ کتنے۔ ٹھپی مروک آتیان زیات بندغ نا تعلق خیبر پختونخواآن پاننگانے۔ ہسپتال ذرائع نا رداٹ بھاز ٹھپی مروک آ بندغ آتے نشتر ہسپتال ملتان آ گدریفنگانے۔
