اسلام آباد۔ 20 اکتوبر (اے پی پی) وزارت ڈٹ بندی شونداری و اصلاحات سرکاری بشخ انا شونداری نا پروگرام تیٹی ہائر ایجوکیشن کمیشن نا شونداری ڈٹ آتے کن 6ارب 50 کروڑ روپئی آن زیات نا فنڈ جاری کرینے ، حکومت ملک اٹی بڑزکو تعلیم نا مون آ دننگ کن ہائر ایجوکیشن کمیشن ءِ 35ارب 66 کروڑ 28 لکھ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت مانسہرہ ٹی ہزارہ یونیورسٹی ایکیڈمکس بلاک نا جوڑ جاڑ کن 20 کروڑ، فاطمہ جناح وومن یونیورسٹی راولپنڈی ٹی شونداری کاریم تے کن 15کروڑ، گورنمنٹ کالج یونیورسٹی لاہور نا پوسکن آ کیمپ اناجوڑ جاڑ کن 25کروڑ، ایبٹ آباد اٹی کامسیٹس یونیورسٹی ٹی جوڑ جاڑی کاریم تے کن 21کروڑ، یونیورسٹیز اٹی سیرت چیئرزنا اڈتننگ کن 10کروڑ، ملک اٹی یونیورسٹی تا سب کیمپس آتا اڈ تننگ کن اسہ ارب 36کروڑ، پدسلوک آ علاقہ غاتا شونداری کن 38 کروڑ روپئی آن زیات نا فنڈ جاری کرینے۔
