اسلام آباد۔ 20اکتوبر (اے پی پی) وزیر داخلہ ، ڈٹ بندی شونداری واصلاحات احسن اقبال پارینے کہ عمران خان تینا سیاسی آخبت آن مایوس مرسا ملکی معیشت نا بابت مایوسی تالان کننگ ءِ، اِرادے مست ہم اسہ جہانی ءُ جریدہ اس پاکستان نا شمار ءِ دنیا نا پنچ شون ہلوک معیشت آتیٹی کرینے، مسلم لیگ (ن) نا حکومت تباہ حال معیشت ءِ گچینی و ملک ءِ شونداری نا کنڈآروان کرے۔ جمعہ نا دے ورناتا ڈل اتون ہیت وگپ کرسا اوپارے کہ ورلڈ بینک پاکستان نامعیشت اٹی گچینی اتنگ آ حکومت پاکستان نا ستا و ملک اٹی جاری سیاسی ابتری ءِ معیشت کن خلیس اس گوندانے، گدرینگوک آ چار سال اٹی وار وار معاشی شونداری نا پہیہ ءِ جام کننگ نا کوشست آتا باوجود دہ سال اٹی بڑزکو انگا شرح نمو دوئی کننگ اٹی سرسہبی ملا۔ اوپارے کہ اسٹاک ایکسچینج 53000 پوائنٹ اتون تاریخ نا بڑزکو انگا کہول آ سرمس ولے سیاسی افراتفری نا سوب دارجحان برقرار سلنگ کتو، سی پیک نا بدولت دہ سال اٹی غٹ آن زیات درملکی زرکاری مسنے۔ اوپارے کہ عمران خان داہم تپک کہ وام تے معیشت اٹی گچینی اتنگ و پائیدار شونداری ڈٹ آتیا خڑچ کننگے تو داڑآن ہچ نسخان مفک، توانائی و اندر اسٹرکچر نا ڈٹ آتیان شونداری نا درگہ غاک ملنگرہ۔
